Көміртекті болаттарды жасыту

Қыздыру температурасы бойынша ІІ – текті жасытуды толық және толық емес жасыту деп бөледі. Толық жасыту кезінде А_с3 нүктесінен 20-30⁰С жоғары температураға дейін эвтектоидқа дейінгі болат қыздырылады (5.2-сурет) жіне пешпен беруге суытылады. Өткен өңдеуден металдарда (құю, ыстықтай түр өзгерту, пісіру және жылумен өңдеу) қалған құрылымдардың ақауларын жойып тастаумен және кернеуді алып кесудің алдында болаттарды жұмсарту мақсатымен толық жасыту жүргізіледі. А_с3(20-40)⁰ С температураға дейін қыздырған кезде ұсақ аустениттің түйірлері түзіледі, жай суытқан кезде олардан феррит пен перлиттен тұратын біртекті ұсақ

құрылым түзіледі. Эвтектоидқа дейінгі болаттардың толық емес жасытуын А_с1-ден жоғары, бірақ А_с3-тен төмен температурада қыздыру жолымен өткізеді. Кесу мен өңдеу алдында жұмсарту үшін қолданылады. Эвтектоидтан кейінгі болаттар А_с3-тен жоғары (ES сызығы) қыздырылып толық жасытуға жіберілмейді, өйткені бұндай қыздырудан кейін жай суытқан кезінде жарықтылық қасиетін нашарлататын екінші реттік цементиттің ірі торлары бөлініп шығады.

Эвтектоидты болаттарға 740-770 ⁰С-қа дейін қыздырумен толық емес жасытуды және келесі жай суыту тәсілдерін қолданады. Мұндай қыздыру кезінде аустенитте цементиттің көптеген ерімеген қосымшаларды түзіледі. Олар артық сұйытылған аустениттің ыдырауынан пайда болған цементитке дайын орта аралықтың міндетін атқарады. Осының нәтижесінде түйіршікті перлитің құрлымы түзіледі.