Курс жұмысын рәсімдеу және орындауға қойылатын талаптар

Курс жұмысы компьютер және принтерді қолдану арқылы А4 форматтағы ақ қағаздың бір бетінде бір интервал арқылы жүзеге асырылуы қажет. Шрифт – жай, кегль 14.

Курс жұмысы мәтінін теріп жазу парақ бетінде келесідей шектеулерге сәйкес жүргізілуі керек: оң жағы – 10 мм, сол жағы – 30 мм, жоғарғы жағы – 20 мм, төменгі жағы – 20 мм.

Белгілі бір терминдерге, формулаларға, теоремаларға шрифтің әртүрлі гарнитураларын қолдану арқылы көңіл аударудың компьютерлік мүмкіндіктерін пайдалануға рұқсат етіледі.

Жұмыстың көлемі 25-30 бет болуы керек. Жұмыстың титулдық бетін толтыру № 1 қосымшада келтірілген үлгіде жүргізіледі, онда реттік сан көрсетілмейді. Бірақ ол жұмыстың жалпы бет санына есептеледі, әрбір бетті араб сандарымен нөмірлеп, беттің төменгі жағында ортасына белгілейді. Жұмыстың барлық сөздері қысқартылмай толық жазылады. Титулдық беттен кейінгі келесі бетте жұмыстың мазмұны (№ 2 қосымша) көрсетіледі. Одан келесі беттерде мәтін жазылады. Әрбір бөлімнің мазмұны жаңа беттен бас әріптермен басталады. Бөлім мен мазмұнының арасы 15-20 мм болуы керек.

Курс жұмысының құрылымдық элементтері:

− титулдық бет;

− мазмұны;

− кіріспе;

− негізгі бөлімдер;

− қорытынды;

− колданылған әдебиеттер тізімі;

− қосымшалар.

Титулдық бет курс жұмысының ең бірінші беті болып табылады және жекелеген курс жұмысын іздегенде қажетті ақпараттың көзі ретінде қолданылады. Әр бөлім жаңа парақтан басталуы керек. Жалпы курс жұмысының парақтары кіріспеден бастап барлық бөлімдерді қамти отырып, қорытындымен қоса, қолданылған әдебиеттердің тізімінің ең соңғы парағына дейін нөмірленеді. Соңынан ретіне қарай қосымшалар қосуға болады.

Курс жұмысының соңында қолданылған әдебиеттер мына ретпен көрсетіледі:

– ресми құжаттар:

1) заңдар;

2) үкіметтің каулылары мен шешімдері;

3) нормативті-құқықтық құжаттар мен ережелер.

– алфавит бойынша монографиялар, ғылыми жинақтар, газет-журнал мақалалары және интернет сайттары.

Жазылып біткен курс жұмысы көрсетілген уақытта тексерілуге кафедраға тапсырылады. Оған курс жұмысына жетекшілік ететін оқытушылар тарапынан ескерту жасалып, қайта өңдеуге, толықтыруға қайтарылуы мүмкін. Түзетілген және қайта өңделіп, толықтырылған талапқа сай курс жұмысы оқытушыларға рецензия жазуға беріледі.

Курс жұмысы ауызша қорғалады. Оның мазмұны және ол бойынша қойылған сұрақтарға жауап беруі студенттің оқыған теориялық әдебиеттер мен, зерттеп талдаған нақты мәліметтерді терең меңгергенін аңғартуы керек.

Курс жұмысының соңына студент өз қолын қойып, жұмыс жазылып біткен күнін, айын, жылын көрсетеді.

 

 

 

«Бухгалтерлік есеп және қаржы» кафедрасы

 

 

«Инвестицияларды қаржыландыру және несиелеу» пәнінен

 

(тақырыптың атауы)

 

тақырыбы бойынша