ОрытындыЕсеп берудің нысаны «Ариал» мейрамханасы грузин халқының асүйі болғандықтан аспаздарының біліктілігі өте жоғары деңгейде. Ас мәзірі грузин, еуропалық және қазақ халқының дәстүрлі әдіс – тәсілімен әзірленген тағамдар. Есеп беру жұмысы барысыныда: «Ариал» мейрамханасының сипаты мен қазіргі кездегі қызмет көрсету технологиясы; «Ариал» мейрамханасының қызметтерді ұйымдастыру ерекшеліктері мен басқару құрылымы; «Aриал» мейрамханасының қызметін жетілдірудің жолдары мен ұсыныстары ұсынылып, зерттеу қорытындылары жасалды. Сауда-өндірістік сипатына қарай тамақтану кәсіпорындары тағамдар мен сусындар ассортименті, көрсетілетін қызмет көрсету түрі, орналасу орны, қызмет көрсетілетін клиент контингенті бойынша өзара ерекшеленетінін білдім. Мейрамхана – қонақтарға тағамдар мен сусындардың, кондитерлік бұйымдардың кең ассортименті мен дайындалу жолы күрделі фирмалық тағамдар ұсынатын тамақтану кәсіпорны. Мейрамхананың білікті аспаздары, даяршылары, метрдотельдері жоғарғы қызмет көрсетуді қамтамасыз етеді және оны қонақтың көңіл көтеруімен, демалуымен ұштастырады. Кафе – тағамдар мен сусындардың, ұнды-кондитерлік бұйымдардың, сүт қыщқылды өнімдердің шектеулі түрін ұсынатын, көңіл көтеріп, демалып қайтуға арналған тамақтану кәсіпорны. Бар – қонақтарға әртүрлі сусындар, десерттер, тәтті бұйымдар мен тісбасарлар ұсынуға мамандандырылған тамақтану кәсіпорны. Буфет – суық тісбасарлар, бутербродтар, сусындар, тоқаштар мен кондитерлік бұйымдар, дайындалу жолы қиын емес тәтті бұйымдар ұсынатын және сатып алған жерде тұтынуға арналған тамақтану кәсіпорны. Дәмханаларда дайындалу жолы қиын емес әртүрлі тағамдар мен тісбасарлар, сорпалар, ыстық және суық сусындар, ұнды-кондитерлік бұйымдар дайындалады және ұсынылады. Асханалар – курорттық қонақ үй кешендерінің құрамында жиі кездесетін тамақтану кәсіпорындары. Асханаларда әдетте таңғы, түскі және кешкі ас ұсынылады, тамақтарды үйге алып кетуге болады. Сонымен қатар мұнда әртүрлі қосымша қызметтер де ұсынылады. Ұсынылған өнім ассортиментінің кеңдігіне қарай тамақтану кәсіпорындары 2 үлкен санатқа бөлінеді: - толық сервистік; - мамандандырылған. Тамақтану кәсіпорындарының мамандануына мысал ретінде қарапайым барлардың мамандануын келтірсе болады. Өткізілетін сусын ассортиментіне қарай барлардың мамандануы мынадай: шарап, сыра, сүт барлары, коктейль барлар және т.б Дәмханалар да жалпы түрдегі және мамандандырылған болып 2 бөлінеді: кәуапханалар, пиццериялар, құймақханалар, сорпаханалар және т.б. Туристтік тамақтану кәсіпорындарына көптеген талаптар қойылады. Мысалы, қоғамдық тамақтану кәсіпорындарының территориясы әрдайым тазаланып тұрумен қатар қажетті асфальттік жабынмен жабылуы тиіс. Мұндай жабындар туристтік кешен территориясының безендірілуіне сәйкес келуі керек және шалшық сулардың жиналуын болдырмауы тиіс. Сонымен қатар туристтік кешендердің сыртқы безендірілуіне басқа да талаптар қойылады. Қазіргі кезде ең басты капитал түрінің бірі болып адам қоры саналады. Яғни қызметкерлер неғұрлым білікті, білімді, тәжірибелі болса, соғұрлым кәсіпорын гүлденіп, мол табыс әкелмек. Сол себептен, қызметкерлерді тарту мен сақтап қалу үшін басшылар қызметте маркетинг ұстанымдарын пайдаланулары тиіс. Барлық қызметкерлер бірдей емес. Маркетинг бойынша мамандар маркетинг әдістері көмегімен маркетинг-микс кешенін жасап шығарады. Қонақ үй қызметкерлері үшін маркетинг-миксті жұмыс, еңбекақы, пайда, жақсы орын, көлік, автотұрақ, жұмыс сағаттары, жұмыс беделі, және жылжу болашағы құрайды.
|
