БИЛЕТ 281. Мәтінге байланысты жүргізілетін жұмыс түрлері. Оқушылар оқыған материалдарының мазмұнын дұрыс қабылдап ондағы негізгі ойды жақсы ұғыну үшін, оқу сабақтарында алуан түрлі жұмыстар ұйымдастырады. Мұндай жұмыстар оқылатын материалдардың сипатына, оқушылардың жасына, дайындықтарына, білімі мен дағдылану дәрежесіне байланысты іріктеледі. Оқушылар мәтінді дұрыс қабылдау үшін негізінен мынадай жұмыстар жүргізіледі: 1.мәтінді қабылдатуға оқушыларды психологиялық дайындау. 2. мәтінге байланысты сөздік жұмысын жүргізу. 3. шығарманы оқу. 4. әңгіменің жоспарын жасау. 5. оқыған шығарманың мазмұнын айту. 6. шығарманың мазмұны бойынша жүргізілетін шығармашылық жұмыстар. Көркем шығарма жазушының сөзі арқылы жасаған көркем бейнесі, картинасы арқылы қабылданады. Шығарманы оқыған кезде оқушыда елес туады. Бұл оқушының сезімін де қозғайды. Бұл көбіне әңгіме түрінде ұйымдастырылады. Дайындық әңгіме оқығалы тұрған шығармадағы оқиғаға ұқсас, балалардың өз өмірінде болған оқиғаларды еске түсіру сияқты тәсілдермен өткізіледі. Әңгіменің ішіндегі түсініксіз сөздердің мән- мағынасын біліп алмайынша, оны оқығанда мазмұнын ұғу балаларға өте қиынға соғады. Дайындық әңгіменің ұзақтығы оқытылатын материалдардың ауыр жеңілдігіне байланысты.. Сонымен шығарманы оқуға дайындау жұмысы, біріншіден балаларды оқылатын әңгіменің мазмұны мен ондағы кейіпкерлердің ісін саналы түсіне білуге дайындау, екіншіден оқылатын әңгіменің мазмұнына қызықтыру, үшіншіден ондағы түсініксіз сөздер мен ұғымдарды түсіндіру мақсатында жүргізіледі.
|
