Білімгерлерге берілетін СӨЖ тапсырмалары.

Қосымша: СӨЖ орындауға арналған әдістемелік нұсқау.

Ескерту. Білімгердің өзіндік жұмысы оқу процесіндегі маңызды жұмыстардың бірі болып табылады. Білімгерге берілген өзіндік жұмысты өз бетінше игеру, бағдарламалық материалдарды талдай алуынан саясаттану курсын зерттеу мен білудің маңызы ерекше. Сонымен қатар тақырыпты игеруде білімгердің қысқаша өзіне керекті мағлұматтарды жазып алуы, (мәселен идеология, партиялар, билік жүйесіне қатысты) үлкен көмек болады. Осындай сарындағы мағлұматтарды қажетті кезде табу үшін оны білімгер арнайы дәптеріне бөлек орын алып жазып жүргені дұрыс.

Білімгер өзіндік жұмысты орындағанда баяндама мен рефераттар даярлау мен жазу да білімді бекітудің маңызды формаларының бірі болып табылады. Бұл жұмыстарды орындауда білімгерлер жаңа, құнды түрлі деректермен жұмыс жасауды және оларды іздеу, табу дағдысына үйретеді. Онымен қоса кітапханада ізденіс жасауға, материалдарды жинақтауға, талдау жасауға, сараптамалауға, қысқа әрі нұсқа түрде өз ойын жеткізе білуге баулйды.

Оқу процесі мен білімгердің өзіндік жұмысын жүргізу барысында сөздікпен жұмыс философияның, филоофиялық ғылымының түрлі терминологиясын анықтап білу мен мәнін түсінуге, емтихан тапсырғанда көмектесуге, коллоквиумдар мен жазбаша жауап беруге ықпал етеді.

Ал практикалық сабақтардағы қолданылатын және білімгерлердің қатысатын саяси ойын, диспут, пікір талас, талқылау, саяси сараптама жасау сабақтары мен әдістері білімгерлердің шығармашылық ойлауымен, қоғамдағы түрлі салаларға өз білімін қолдануға, мамандығына қатысты пайдалануына ықпал етеді.

Жоғарыда көрсетілген тақырыптар және оған қосымша берілген СӨЖ орындауға арналған әдістемелік нұсқау негізгі тақырыптар болып табылады. Алайда білімгерлердің саясаттану пәнінен білімін тереңдету мақсатында және жоғары балл иемдену үшін оған қосымша білімгерлерге СӨЖ тақырыптары беріледі. Бұл тақырыптар ішінен үздік білімгерлер немесе СӨЖ бойынша жоғары балл жинағысы келетін білімгерлер арнайы өзі тақырып таңдап немесе оқытушыдан тақырып алып курсты игеру барысында өз бетінше жұмыс жасауға мүмкіндік беріледі. Егер білімгер төмендегі тақырып ішінен СӨЖ жазса және ол жұмыс құнды деп табылса білімгер жоғары балды иемденеді.