ЖоспарлауФирманың стратегиялық жоспары оның қандай өндірістермен шұғылданатынын және осы өндірістердің міндеттерін анықтайды. Енді әрқайсысы үшін толық талданған жеке жоспар әзірлеу қажет. Өндіріс бірнеше ассортименттік топты, бірнеше тауарды, таңба мен нарықты қамтитын болса, олардың әрқайсысы бойынша жеке жоспар қажеттігі туындайды. Маркетингтік жоспардың бөлімдері Қарапайым немесе таңбалы бұйым шығарудың жоспары бірнеше бөлімнен құрылуы тиіс: бақылау көрсеткіштері туралы мәліметтер, ағымды маркетингтік жағдайды баяндау, қауіптер мен мүмкіндіктер тізбесі, маркетингтік стратегия, іс-қимыл бағдарламасы, бюджет және бақылау тәртібі 34-суретте көрсетілген.
Жоспардың кіріспесінде негізгі мақсаттар мен жоспарда көрсетілген ұсыныстар жайында қысқаша айтылуы тиіс. Бақылау көрсеткіштерінің мәліметі басшыларға жоспардың негізгі бағытын тез түсінуге мүмкіндік береді. Осы мәліметтен кейін жоспардың мазмұны берілуі тиіс. Ағымды маркетингтік жағдай Жоспардың бірінші негізгі бөлімінде мақсатты нарық пен фирманың осы нарықта алатын орны сипатталады. Жоспарды құрушы нарықты, оның мөлшерін, негізгі сегменттерін, тапсырыс берушілердің мұқтажын және ортаның ерекше факторларын сипаттайды, негізгі тауарларға шолу жасап, бәсекелесушілердің және бөлу арналарын атап көрсетеді. Қауіп пен мүмкіндіктер Бұл бөлім басшыларға келешекте тауардың алдынан шығатын қауіп пен мүмкіндіктерді болжауға жәрдемдеседі. Оның мақсаты – фирмаға қатты ықпал ететін маңызды оқиғаларды болжай білуге мәжбүрлеу. Меңгерушілер қауіп пен мүмкіндіктердің неғұрлым көп мөлшерін тізіп шығып, келешекке көз жүгірте білуі тиіс. Қауіп – қолайсыз үрдіс немесе нақты бір оқиғаға байланысты туындайтын ауыр жағдай. Мақсатқа сәйкес маркетингтік шаралар қолданылмаса, бұл тауардың өміршеңдігін қысқартуы немесе оның құрдымға кетуіне әкеп соғуы мүмкін. Фирманың маркетингтік мүмкіндігі – маркетингтік шаралар белгілі бір фирманың бәсекелік басымдық алуына қол жеткізуі керек және олар әрбір қауіп пен әрбір мүмкіндіктің пайда болу ықтималдығы мен олардың фирмаға әсерін бағалай білуге тиіс. Міндеттер мен проблемалар Тауарға байланысты қауіп пен мүмкіндіктерді зеттей келіп, меңгеруші алға міндет қойып, туындайтын проблемаларды анықтай алады. Міндеттерді фирманың жоспарда көрсетілген мерзім ішінде қол жеткізуге ұмтылатын мақсаттары ретінде көрсету қажет. Мысалы, меңгеруші нарықтың 15% бөлігін қамтып, табыс салығын төлеуге дейін сатудың 20% табыстылығына және салынған капиталға салық төлеуге дейін 25% пайда табуды көздейді. Фирманың бүгінгі бөлігі небәрі 10% делік. Нарықтың бөлігін 15%-ға дейін кеңейтуге бағытталған қадамдармен байланысты негізгі проблемаларды қалай болжауға болады деген сауал туындайды.
|
