Макроорта. 3. Кәсіпорындағы маркетингті ұйымдастыру

3. Кәсіпорындағы маркетингті ұйымдастыру

Фирманың қызмет ету микроортасының негізгі факторлары

Кез келген фирманың негізгі мақсаты – пайда табу. Маркетингті басқару жүйесінің негізгі міндеті – мақсатты нарық үшін тартымды тауар өндіруді қамтамасыз ету. Алайда маркетингті басқарушылардың іс-әрекеті фирманың өзге құрылымдарының қызметіне, делдалдардың, бәсекелесушілердің және байланыстағы аудиториялардың іс-әрекеттеріне де байланысты.

Жеткізушілер. Жеткізушілер – компанияны және оның бәсекелесушілерін белгілі бір тауар немесе қызмет өндіру үшін қажет материалдардың ресурстарымен қамтамасыз ететін іскер фирмалар мен жеке адамдар.

"Жеткізушілер ортасындағы" оқиғалар фирманың маркетингтік қызметіне елеулі түрде ықпал ете алады. Маркетинг жөніндегі меңгерушілер жарақтандыру заттарының бағасын қадағалап отыруы тиіс, өйткені сатып алынатын материалдар бағасының өсуі тауардың да бағасын өсіруге мәжбүр етеді.

Маркетингтік делдалдар.

Маркетингтік делдалдар – компаниялар мен олардың клиенттеріне тауарды өткізуге және тауарларды жеткізуге жәрдемдесетін фирмалар. Бұлардың қатарына сауда делдалдары, тауар қозғалысын ұйымдастыру жөніндегі мамандар, маркетингтік қызмет көрсету жөніндегі агенттіктер мен несие-қаржы мекемелері жатады.

Сауда делдалдары – компанияға клиент табуға немесе оларға тауар сатуға көмектесетін іскер фирмалар. Сауда делдалдары не үшін қажет? Сауда делдалдары тапсырыс берушілерге аз шығын жұмсап, тауарды сатып алу рәсімін, уақыты мен мақсаты бойынша қолайлы жағдай туғызуға мүмкіндік бере алады. Орынның қолайлығына сауда делдалдары клиенттер тұратын жерде тауар қорын жасауына мүмкіндік береді. Уақыт қолайлылығы тауардың тұтынушыларға қажет уақытта болуы арқылы қамтамасыз етіледі. Сатып алу рәсімінің қолайлылығы тауарды сатумен қатар оған иелік ету құқығын беру.

Тауар қозғалысын ұйымдастыру жөніндігі маман-фирмалар. Тауар қозғалысын ұйымдастыру жөніндегі маман-фирмалар компанияға бұйымдарының қорын жасап, оларды өндіру орнынан қажет жерге жеткізуге жәрдемдеседі. Қоймалар тауарды керекті жеріне жеткізужолында сақтау мен жинақтауды қамтамасыз ететін кәсіпорындар. Көлік ұйымдары санына темір жол, автокөлік ұйымдары, авиажелілері, су көлігі, және жүкті бір орнынан басқа орынға жеткізетін өзге де жүк тасушылар кіреді. Фирмалар жүкті жөнелту, жеткізу құнын, көлемін, жылдамдығын және жүктің сақталуы сияқты факторларды ескеріп, ең үнемді жолдарын таңдап алуы қажет.

Маркетингтік қызмет көрсету жөніндегі агенттіктер – маркетингтік зерттеулерге фирмалар, жарнамалық агенттіктер, жарнама құралдары ұйымдары және маркетинг жөнінде кеңес беретін фирмалар қатысады, олар компанияға қолайлы нарықтарды тауып, соларға енуге көмектеседі. Компания осы ұйымдардың қызметін пайдаланады немесе барлық қажет жұмысты өзі атқара ма, жоқ па – осыны шешіп алуы тиіс.

Қаржы-несие мекемелері. Бұлар – банк, несие беру компаниялары, сақтандыру компаниялары және/немесе өзін тарауларды сатып алу немесе сату тәуекелінен сақтандыруға жәрдемдесетін өзге ұйымдар. Компаниялар мен клиенттердің көбісі мәліметтерін қаржыландыруды несие-қаржы мекемелерінің көмегінсіз жүзеге асыра алмайды.

Клиенттер. Фирма клиенттерін жете зерттеуі тиіс. Ол бес түрлі клиентуралық нарықтарда әрекет етуі мүмкін. Тұтынушы нарығы – жеке тұтыну үшін тауар және қызметтерді сатып алатын жеке адамдар мен үй шаруашылықтары.

Бәсекелесушілер. Кез келген фирманың көптеген бәсекелесушілері болады. Ол бәсеке – талап-тілектер, яғни тұтынушыны қанағаттандыруды мақсат ететін тілектер. Ол тауарлық-көпшілік бәсекелесушілер, яғни кез келген белгілі бір тілекті қанағаттандырудың негізгі тәсілдері. Тауар түрі бойынша бәсекелесушілер – сол тауардың белгілі бір мұқтажын қанағаттандыра алатын өзгеше түрлері. Бәсекелесуші белгілер – бір тауарды сатып алушының тілегін қанаттандыруға қабілетті әртүрлі белгілері.