молитвы Iисусовой*
Го́споди Iису́се, Хрiсте́, Сы́не и Сло́ве Божiй, Имени Твоему́ покланя́ются Ангелы и человѣ́цы. Твоего́ Имени трепе́щутъ а́дскiе си́лы; Твое́ Имя вѣ́рное ору́жiе на прогна́нiе супоста́та; Твое́ Имя попаля́етъ грѣхи́ и стра́сти; Твое́ Имя подае́тъ си́лу въ по́двигахъ, собира́етъ воеди́но рассе́янный у́мъ и во исполне́нiи За́поведей Твои́хъ, обогаща́етъ доброде́телями; Твое́ Имя твори́тъ чудеса́, и соединя́етъ на́съ съ Тобо́ю, да́руетъ ми́ръ, ра́дость о Ду́хе Свято́мъ, а въ Жи́зни Бу́дущей Ца́рство Небе́сное. Сего́ ра́ди я́, недосто́йный ра́бъ Тво́й, молю́ся Тебѣ́: прожени́ отъ на́съ неве́денiе духо́вное, просвети́ позна́нiемъ Боже́ственной Истины и научи́ на́съ незаблу́дно, во смире́нiи, внима́тельно, съ чу́вствомъ покая́нного сокруше́нiя, уста́ми, умо́мъ и се́рдцемъ твори́ти непреста́нно моли́тву сiю́: "Го́споди,Iису́се Хрiсте́, Сы́не и Сло́ве Бо́жiй, ра́ди Имени Твоего́ Свята́го, Си́лою Животворя́щего Креста́, моли́твъ Пресвяты́я Богоро́дицы, Царя́ искупи́тѣля НIКОЛАЯ АЛЕКСАНДРОВИЧА, Небе́сныхъ Си́лъ и всѣ́хъ Святы́хъ, поми́луй на́съ и воскреси́ Россі́ю. Ами́нь" * 
Ты бо ре́клъ еси́, Го́споди, Пречи́стыми Усты́ Твои́ми: а́ще что про́сите во Имя Мое, то сотворю́. Се моли́твами Пречи́стыя Твоея́ Ма́тери, Свята́го Царя́ искупи́тѣля НIКОЛАЯ АЛЕКСАНДРОВИЧА, предста́тельствы Честны́хъ Небе́сныхъ Си́лъ Безпло́тныхъ и всѣ́хъ Твои́хъ Святы́хъ ** о Имени Твое́мъ прошу́ моли́твы Пресвята́го и Всемогу́щаго Имени Твоего́. Услы́ши мя́, обеща́вый услы́шать всѣ́хъ призыва́ющихъ Тя́ во И́стине. Твое́ бо е́сть е́же ми́ловати и спаса́ти, и даро́вати проси́мое моля́щемуся во Сла́ву Твою́ со Отце́мъ и Святы́мъ Ду́хомъ. Аминь.
