Чумакова Ганна

 

Паэтка, бард. Нарадзілася ў 1984 годзе ў г. Рагачове. Там скончыла сярэднюю школу і літаратурную студыю «Дакрананне». У 2006 годзе атрымала спецыяльнасць настаўніка беларускай мовы і літаратуры ў Гомельскім дзяржаўным універсітэце. З 2007 года жыве і працуе ў Мінску. Сябра СПБ. Пераможца фэсту маладой паэзіі Беларусі 2015 года, наладжанага Мінскім гарадскім аддзяленнем СПБ. Аўтар кнігі «Мой анёл прысніўся мне…» (2012 г.)

На запыт «Як з’яўляюцца Вашы творы і песні?» Ганна адказвае: «… Гэта прыходзе нечакана, з самой глыбіні душы… Гэта нейкі эмацыйны пасыл, жаданне, каб мяне пачулі… Увогуле музыка і паэзія — гэта два крылы адной птушкі. Але паэзія, лічу, больш мацней. Бо ў песнях я не заўсёды магу перадаць увесь слоўны і моўны кантэкст, усе пачуцці. Але я жадаю, каб мая паэзія і мае песні дарылі радасць і ўсмешкі людзям».

 

Чумакова, Ганна. Мой анёл прысніў мяне… / Г. Чумакова. — Мінск: Чатыры чвэрці, 2012. — (Мінскае гарадское аддзяленне Саюза пісьменнікаў Беларусі. Сер. «Мінскія маладыя галасы» ).

Верш з кнігі:

Птушцы — высокага лёту,

Ветразю — свежага ветру.

Мне б — арабінку ля плоту,

Сонейкам ранняў сагрэтых.

Долі сірочай — прытулак,

Сейбіту — роўнага поля.

Моцы, здароўя — матулі,

Бацьку — жыцця паболей.

Сквапнаму — досыць грошаў,

Зданям — цямнейшай ночы.

Мне б — назбіраць валошак

Любаму на вяночак.

Быццам няшмат і трэба,

Што ж мне не ўсё далося?!.

Сінія кроплі неба —

Кветкі сярод калосся…

 

Больш пра аўтара тут:

 

1) Зэкаў, А. «Я хварэю на неба…» / А. Зэкаў // Літаратура і мастацтва. — 2013. — № 22. — С. 4

2) Крайко, А. Рэха ў сэрцы маладых / А. Крайко // Літаратура і мастацтва. — 2015. — № 20. — С. 12

 

Змест

 

 

Беланожка Алёна...........................................................................4

 

Болатаў Андрэй.............................................................................6

 

Войнікава Кацярына.....................................................................7

 

Курэйчык Андрэй.........................................................................9

 

Кустава Валерыя.........................................................................11

 

Малахоўскі Рагнед......................................................................13

 

Масэ Кацярына............................................................................15

 

Новік Юлія...................................................................................16

 

Саўчык Дзмітрый.......................................................................18

 

Сівец Таццяна..............................................................................19

 

Трэнас Віка..................................................................................21

 

Хвашчэўская Аксана...................................................................23

 

Чумакова Ганна...........................................................................25