Псалом 142
(поем): Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава, и ныне: Господи, помилуй. (Трижды)
Господи, Иисусе Христе, Сыне Божий, молитв ради Пречистыя Твоея Матере, преподобного и богоносного отца нащего Гавриила Афонского и всех святых помилуй нас. Аминь.
ВЕЛИЧАНИЕ (поем):
Величаем, Тя Пресвятая Дева, Богоизбранная от роковице и чтим образ Твой Святый, им же точищи исцеления всем с верою притекающим.
Во время пения ВЕЛИЧАНИЯ БОГОРОДИЦЕ присутствующие прикладываются к иконе Божией Матери
Рекомендовано и составлено послушником Сергием ОДЕССА 2011
МОЛЕБНОЕ ПЕНИЕ ПРАВОСЛАВНОГО МОЛОДЕЖНОГО КЛУБА ГОРОДА ОДЕССЫ ПРИ СВЯТО-ИЛЬИНСКОМ МУЖСКОМ МОНАСТЫРЕ.
Боже, милостив буди нам грешным. (Поклон) Боже, очисти нас грешных и помилуй нас. (Поклон) Без числа согреших пред Тобою, Господи,прости нас. (Поклон)
Молитвами святых отец наших, Господи Иисусе Христе, Боже наш, помилуй нас, аминь.
Слава Тебе, Боже наш, слава Тебе.
Молитва Святому Духу
(поем): Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.) Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
Молитва Господня
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй (12 раз)
Приидите, поклонимся Цареви нашему Богу. (Поклон) Приидите, поклонимся и припадем Христу, Цареви нашему Богу. (Поклон) Приидите, поклонимся и припадем Самому Христу, Цареви и Богу нашему. (Поклон)
Псалом 142.
Господи, услыши молитву мою, внуши моление мое во истине Твоей, услыши мя в правде Твоей и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящым в ров. Слышану сотвори мне заутра милость Твою, яко на Тя уповах. Скажи мне, Господи, путь воньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой Благий наставит мя на землю праву. Имене Твоего ради, Господи, живиши мя, правдою Твоею изведеши от печали душу мою. И милостию Твоею потребиши враги моя и погубиши вся стужающыя души моей, яко аз раб Твой есмь.
|
